Подобрување на отчетноста и транспарентноста на полицијата во Република Северна Македонија

Национален фонд за демократија на Соединетите Американски Држави

јуни 2022 – јуни 2024

Главната цел на проектот е да се придонесе кон развојот на полицијата и полициското работење во Република Северна Македонија преку зголемување на демократскиот капацитет на полициската организација по пат на активности за подобрена транспарентност и отчетност.

-Да развие опен-сорс методологија за мониторирање на транспарентноста и отчетноста на полицијата како јавен сервис, преку проценка на нивоата на отчетност на полицијата преку анализа на работата на внатрешните и
надворешните механизми за контрола;
– Да поттикне процес на соработка помеѓу релевантните засегнати страни и клучните корисници, како полицијата, граѓанското општество и општинските администрации во Северна Македонија;
– Да го поттикне процесот „полиција во заедницата“ преку потранспарентни и поиновативни комуникации со јавноста.

1. Остварување процес на консултации со главните засегнати страни за исцртување на проектната рамка на активности;
2. Развој на матрица на индикатори како механизам за мониторинг на транспарентноста и отчетноста на полицијата;
3. Три периодични мерења на нивоата на транспарентност и отчетност на полицијата, со користење на продуцираната матрица на индикатори;
4. Спроведување анкета/истражување за граѓанските перцепциите за безбедносната состојба во земјата;
5. Одржување три работилници на тема транспарентност и отчетност наменети за претставници на МВР, претставници на надворешните механизми за контрола на полицијата и медиумски работници;
6. Објава на тројазична публикација наменета за информирање на јавноста за користење на достапните механизми за надзор на полициското работење;
7. Одржување осум регионални дискусии за разгледување на
поголемите предизвици со транспарентноста и отчетноста на
полицијата во локалните заедници, со учество на локалните засегнати страни;

8. Завршна конференција на која ќе присуствуваат претставници од Министерството за внатрешни работи (МВР) , Владата на Република Северна Македонија, претставници од граѓанскиот сектор, меѓународни организации и новинари. Претставници од МВР и од
надворешните механизми за надзор од канцелариите на
Омбудсманот и на Јавниот обвинител ќе ги презентираат резултатите од нивната работа врзана за активностите за отчетност. Настанот ќе биде отворен за јавноста