На 27.02.2020, во хотел Солун, Скопје беше презентирана и пуштена во употреба интернет страницата – ресурсна платформа, за пристапување на Република Северна Македонија кон ЕУ – “МК&ЕU”, како дел од проектот “MK&EU – НАУЧИ, СПОДЕЛИ, ВКЛУЧИ СЕ!”, дел од програмата CIVICA Mobilitas, финансирана од Швајцарската агенција за развој и соработка (СЦД), кој го спроведуваат НИРАС од Данска, Македонскиот центар за меѓународна соработка (МЦМС) и ФЦГ Шведски развој АБ (ФЦГ Шведска), а имплементиран од страна на ЕВРОТИНК – Центар за Европски Стратегии и НВО Инфоцентар.
Извршниот директор на ЕВРОТИНК, Иван Стефановски имаше поздравен говор, а почесен говорник беше г-н François Lafond, советник на вицепремиерот за европски прашања, кој ја поздрави платформата и го истакна нејзиното значење, со аспирации истата да продолжи да се користи и надополнува со најнови информации во иднина. Ресурсната платформа беше презентирана од страна на Зорица Стрезоска, проектна координаторка во ЕВРОТИНК.
Презентацијата беше одржана во присуство на претставници од институциите, дел од амбасадите, граѓанските организации и медиумите.
