Шанси и замки на преговарачкиот процес

8c7813a13c6322a987df991b

На 31 јануари 2015 година, во Македонија започна нова, најтешка фаза од најдлабоката политичка криза со која државата се соочила во изминатите, речиси, 24 години независност и самостојност. Овој коментар на Македонскиот центар за европско образование доаѓа во моменти кога третата рунда разговори меѓу власта и опозицијата (четирите најголеми политички партии во Македонија) под покровителство на еврокомесарот за проширување Јоханес Хан не дава резултати. Единствениот трофеј на досегашниот преговарачки процес е заеднички утврдениот термин за евентуални предвремени парламентарни избори во април 2016 година, но дури и овој успех е условен со формирање на преодна влада која ќе ги организира изборите за да можат да бидат фер, слободни и прифатени од сите учесници во процесот. Бидејќи цениме дека преговарачкиот процес не дава соодветни резултати, ниту пак е принципелно поставен согласно европските вредности во овој документ ќе анализираме неколку прашања клучни за доаѓање до праведно решение.

Scroll to Top